މަޖީދިއްޔާ ސްކޫލްގެ ގުރޭޑު 4 ގެ ދަރިވަރުންނަށް ރިސާލަތު ޕްރޮގުރާމް ކުރިއަށް ގެންގޮސްފިއެވެ.
އިސްލާމީ ކަންތައްތަކާ ބެހޭ ވުޒާރާއިން އެކި މަޢުޟޫއުތަކަށް ރިސާލަތު ޕްރޮގުރާމް ކުރިއަށް ގެންދާއިރު، މަޖީދިއްޔާ ސްކޫލްގެ ދަރިވަރުންނަށް މިފަހަރު ކުރިއަށް ގެންގޮސްފައިވަނީ ނަމާދާއި ގުޅޭ ޕްރޮގުރާމެެކެވެ. މި ޕްރޮގުރާމް ނަންގަވައިދެއްވީ އިސްލާމީ ކަންތައްތަކާ ބެހޭ ވުޒާރާގެ ވާއިޡް އައްޝައިޚް އަޙްމަދު ފަޙުމީ ދީދީ އެވެ.
އިސްލާމީ ކަންތައްތަކާ ބެހޭ ވުޒާރާއިން ފަށާފައިވާ ރިސާލަތު ޕްރޮގުރާމަކީ ދިވެހިންގެ މެދުގައި ދީނީ ހޭލުންތެރިކަން އިތުރު ކުރުމަށް، ހުރިހާ އުމުރުފުރާއަކަށްވެސް ތަފާތު އެކި ޕްރޮގުރާމުތައް ކުރިއަށް ގެންދެވޭ ގޮތަށް، އެކްޝަން ޕްލޭންއެއް ތައްޔާރުކޮށް ރޭވުންތެރިކަމާއެކު ކުރިއަށް ގެންދާ ޕްރޮގުރާމެކެވެ. މި ޕްރޮގުރާމުގެ ދަށުން މިއަހަރު މިހާތަނަށް 620 އަށްވުރެ ގިނަ ހަރަކާތް ކުރިއަށް ގެންގޮސްފައެވެ.
