ދުނިޔޭގެ މަޝްހޫރު ދާޢީ އައްޝައިޚް އިސްމާޢިލް ބުއްލަކް ލެވިސް ފިލިޕްގެ 'ޑިސްކަވަރ އިސްލާމް' ދަޢުވާ ވޯކްޝޮޕް ފަށައިފިއެވެ.
އިސްލާމީ ކަންތައްތަކާ ބެހޭ ވުޒާރާއިން ކުރިއަށް ގެންދާ މި ވޯކްޝޮޕުގައި ދަޢުވަތުގެ މައިދާނުގައި ހަރަކާތްތެރިވާ ފަރާތްތަކުން ޢަމަލުތައް ބަަހައްޓަންވީ ގޮތާއި، ކުރަން ޖެހޭ ކަންތައްތަކާ ކޮށްގެން ނުވާނެ ކަންތައްތަކާއި، ކެތްތެރިވުމާއި، ދަޢުވަތުގައި ބޭނުންކުރެވިދާނެ ތަފާތު އުކުޅުތައް ފަދަ މުހިއްމު އެތައް ކަމެއް ކިޔައިދެއްވުމަށް ވަނީ ހަމަޖެހިފައެވެ. މި ވޯކްޝޮޕް ކުރިއަށްދާނީ މިއަދު 12:00 އާއި ހަމައަށެވެ.
މި ވޯކްޝޮޕް ފެއްޓެވުމަށްޓަކައި މިއަދު ހެނދުނު އިސްލާމީ ކަންތައްތަކާ ބެހޭ ވުޒާރާގައި ވަނީ ހާއްސަ ރަސްމިއްޔާތެއް ބާއްވަވާފައެވެ. މި ރަސްމިއްޔާތުގައި ވަޒީރު ޑރ. މުޙައްމަދު ޝަހީމް އަލީ ސަޢީދުވެސް ބައިވެރިވެލެއްވިއެވެ.
