ސިވިލް ސާވިސް ކޮމިޝަންގެ މުވައްޒަފުންނަށް ރިސާލަތު ޕްރޮގުރާމް ކުރިއަށް ގެންގޮސްފިއެވެ.
އިސްލާމީ ކަންތައްތަކާ ބެހޭ ވުޒާރާއިން ފަށާފައިވާ ރިސާލަތު ޕްރޮގުރާމްގެ ދަށުން އެކި މުއައްސަސާތަކަށް ހާއްސަކޮށްގެން ތަފާތު މަޢުޟޫއުތަކަށް ދަރުސްތައް ކުރިއަށް ގެންދާއިރު، ސިވިލް ސާވިސް ކޮމިޝަންގެ މުވައްޒަފުންނަށް ދަރުސް ކުރިއަށް ގެންގޮސްފައިވަނީ 'ޝަހާދަތުގެ ދެކަލިމަ' މި މަޢުޟޫއުއަށެވެ. މި ދަރުސް ނަންގަވައިދެއްވީ ވުޒާރާގެ ދާޢީ އައްޝައިޚް އަޙްމަދު މައުމޫންއެވެ.
ދީނީ ދަޢުވަތުގެ ކަންކަން ހަރުދަނާ ގޮތެއްގައި ކުރިއަށް ގެންދިއުމަށް ރޭވުންތެރިކަމާއެކު ކުރިއަށްދާ ރިސާލަތު ޕްރޮގުރާމުގެ ދަށުން މިހާތަނަށް 600 އަށްވުރެ ގިނަ ތަފާތު އެކި ދީނީ ޕްރޮގުރާމުތައް ކުރިއަށް ގެންގޮސްފައިވާކަން ފާހަގަކޮށްލެވެއެވެ.
