ރާއްޖޭގެ ހުރިހާ އިމާމުންނާއި ޚަޠީބުން ތަމްރީނު ކުރުމަށް ހިންގުން ޤައުމީ މަޝްރޫޢު 2024 ނިންމާލީ ވަރަށް ކާމިޔާބު ކަމާއި އެކުއެވެ. އިމާމުން ތާޒާކުރުމުގެ ގައުމީ މަޝްރޫއަކީ އިސްލާމީކަންތައްތަކާ ބެހޭ ވުޒާރާއިން، އިމާމުކަމުގެ ދާއިރާއިން އިތުރު ތަމްރީނު ދިނުމަށްޓަކައި ތަފާތު 11 ސަރަހައްދަކަށް ބަހާލައިގެން މުޅި ރާއްޖޭގެ ދާއިމީ އިމާމުންނަށާއި ޚަޠީބުންނަށް އަމާޒުކޮށްގެން ކުރިއަށް ގެންދިޔަ އިންޓެންސިވް ޓްރެއިނިން ޕްރޮގްރާމެކެވެ.
2024 ވަނަ އަހަރު އިމާމުންނާއި ޚަޠީބުން ތަމްރީނު ކުރުމަށް ހިންގުން ޤައުމީ މަޝްރޫޢު ގައި ޖުމްލަ 930 އިމާމުންނާއި ޚަޠީބުން ވަނީ ތަމްރީން ކޮށްފައެވެ. އެއީ؛
- މާލޭގައި ހިންގުނު ޓްރޭނިންގ ގައި ބައިވެރިވި ޢަދަދު: 139 (ފިޒިކަލްކޮށް)
- އައްޑޫ ސިޓީ ގައި ހިންގުނު ޓްރޭނިންގ ގައި ބައިވެރިވި ޢަދަދު: 68 (ފިޒިކަލްކޮށް)
- ފުވައްމުލައް ސިޓީގައި ހިންގުނު ޓްރޭނިންގ ގައި ބައިވެރިވި ޢަދަދު: 15 (ފިޒިކަލްކޮށް)
- ހއ، ހދ، ށ، ބ، ޅ، ކ، އއ އަދި އދ އަތޮޅުގައި ހިންގުނު ޓްރޭނިންގ ގައި ބައިވެރިވި ޢަދަދު: 321 (އޮންލައިންކޮށް)
- ނ، ރ، ފ، ދ، ތ އަދި ލ އަތޮޅުގައި ހިންގުނު ޓްރޭނިންގ ގައި ބައިވެރިވި ޢަދަދު: 272 (އޮންލައިންކޮށް)
- ވ އަދި މ އަތޮޅުގައި ހިންގުނު ޓްރޭނިންގ ގައި ބައިވެރިވި ޢަދަދު: 40 (އޮންލައިންކޮށް)
- ގއ އަދި ގދ އަތޮޅުގައި ހިންގުނު ޓްރޭނިންގ ގައި ބައިވެރިވި ޢަދަދު: 75 (ފިޒިކަލްކޮށް)
އުތުރާއި ދެކުނުން އަދި މެދުރާއްޖޭތެރޭގެ ހުރިހައި ރަށަކަށް މިޕްރޮގުރާމް ވަނީ ހިންގާފައެވެ. މިޕްރޮގުރާމު ކާމިޔާބު ޕްރޮގުރާމަކަށް ހެދުމުގެ ގޮތުން އޮންލައިންކޮށް ބޭއްވި އެކިއެކި ސެޝަންތައް ހިނގާ ނުހިގާގޮތް ގާތުން ބައްލަވާލެއްވުމަށް މޮސްކް ސެކްޝަން ގެ މުވައްޒަފުން ޒިޔާރަތްކުރުން ވެގެންދިޔައީ އިމާމުން އަދި ކައުންސިލަށް ސިހުން ގެނުވިކަމަކަށެވެ. އިމާމުންނާއި ޚަތީބުންގެ މެދުގައި ވަރަށް މަޤުބޫލު ޕްރޮގުރާމަކަށް ވެގެން ގޮސްފައިވާއިރު މިޕްރޮގުރާމް އިތުރަށް ހަރުދާނާކޮށް، އިމާމުންނާއި ޚަތީބުންނަށް ހިންގުމަށް ތިޔަ ބައިވެރިންގެ ފަރާތުން އެދޭނެ ކަމާއި މެދު އެއްވެސް ޝައްކެއް ނުކުރަމެވެ.
މި ޕްރޮގްރާމުގައި ޖުމްލަ ނުވަ މޮޑިއުލެއް ބައިވެރީންނަށް އުނގަންނައި ދެވިފައިވެއެވެ. މި ތަމްރީނު ޕްރޮގްރާމުގެ މަގްސަދަކީ އިމާމުކަމުގެ ދާއިރާއިން އިމާމުންނަށް އިންޓެންސިވް ތަމްރީނެއް ދިނުމާއި މި ޒަމާނުގައި އިމާމުންނަށް ބޭނުންވާ، މިސްކިތްތަކާ ގުޅޭ އިތުރު މަޢުލޫމާތު ފޯރުކޮށްދިނުން، ގުރްއާނާއި، ތަޖުވީދުގެ ޢިލްމާއި، ތަފްސީރާއި ފިގުހާއި ޙަދީޘާއި އަގީދާގެ ޢިލްމުގެ ދާއިރާއިން އިމާމަކަށް ބޭނުންވާ މުހިއްމު ޢިލްމީ ކަންކަން އުނގަންނައި ދިނުމާއި މިސްކިތްތައް ބެލެހެއްޓުމުގެ ގޮތުން އަދާކުރަންޖެހޭ މަސްއޫލިއްޔަތު އަދާކުރެވޭނެ ވަރަށް އިމާމުންގެ ޝަހްސިއްޔަތު ބިނާކުރުމެވެ.
މި ޕްރޮގްރާމާއި ބެހޭ ގޮތުން އިސްލާމީކަންތައްތަކާ ބެހޭ ވަޒީރު ވަޒީރު ޑރ. މުޙައްމަދު ޝަހީމް އަލީ ސަޢީދު ވިދާޅުވެފައިވަނީ "އިމާމުން ތާޒާ ކުރުމުގެ ޕްރޮގްރާމް މިއަހަރު ޕްލޭންކުރި ގޮތަށް ހުރިހާ އިމާމުންނަށް ހިންގާފައިވާނެ." ކަމަށާއި "މިއީ ވަރަށް ކާމިޔާބު ޕްރޮގްރާމެއް." ކަމަށެވެ. އަދި "މިއީ އިންޓެންސިވް ޓްރެއިނިން ޕްރޮގްރާމެއް"ކަމަށާއި "މި ޕްރޮގްރާމުގައި ޖުމްލަ ނުވަ މޮޑިއުލެއް ބައިވެރީންނަށް އުނގަންނައިދީފައިވާނެ"ކަމަށްވެސް ވަޒީރު ވިދާޅުވިއެވެ.
މި މަޝްރޫއުގެ ދަށުން ކުރިއަށް ގެންދިޔަ ޓްރެއިނިންގ ޕްރޮގްރާމް ފެށުނީ 2024 ފެބްރުއަރީ މަހުގެ 10 ވަނަ ދުވަހު، ގއ. ގެމަނަފުށިގައެވެ. އެއަށް ފަހު، ފުވައްމުލައް ސިޓީއާއި އައްޑޫ ސިޓީއާއި މާލޭ ސިޓީގައި ވަނީ ވަރަށް ކާމިޔާބު ޕްރޮގުރާމެއް ހިންގިފައެވެ.
ކޯހުގައި ކިޔަވައިދިން މާއްދާތަކުގެ ތެރޭގައި އަގީދާއާއި އިސްލާމީ އަޚްލާޤު (العقيدة والأخلاق الإسلامية)، ތަޖުވީދު: ތިއޮރީ އަދި ޕްރެކްޓިސް (التجويد: النظرية والتطبيق)، މުޖުތަމައު ބިނާކުރުމުގައި މިސްކިތުގެ ދައުރު (دور المسجد في بناء المجتمع)، އަޅުކަމުގެ ފިގުހު: ޙުކުމްތަކާއި އަސާސުތައް (فقه العبادات: الأحكام والمبادئ)، ކީރިތި ގުރުއާނުގެ ތަފްސީރާއި ޤުރްއާނަށް ތަދައްބުރުކުރުން (تفسير القرآن وتدبره)، ގުރްއާނިކް އަރަބިކް (تعلم اللغة العربية من القرآن)، ޙަދީޘާއި އިސްލާމީ ޘަޤާފަތް (الحديث والثقافة الإسلامية)، ޢުލޫމުލް ގުރްއާނަށް މަގެއް (مدخل إلى علوم القرآن) އަދި ދައުވާގެ އުސުތަކާއި ޚިޠާބާ (أصول الدعوة والخطابة) ހިމެނެއެވެ.
މިޕްރޮގުރާމް ކާމިޔާބު ޕްރޮގުރާމަކަށް ވެގެން ދިޔައީ އަތޮޅު ކައުންސިލްތަކާއި ރަށު ކައުންސިލްތަކުން އަދި އިމާމުންނައި ޚަތީބުން މިޕްރޮގުރާމަށް ދެއްވާފައިވާ އެހީތެރިކަމާއި އެއްބާރުލެވުމުގެ ސަބަބުންކަން ފާހަގަކޮށް، އަތޮޅު ކައުންސިލްތަކާއި ރަށުކައުންސިލްތަކުގެ ވެރިންނަށާއި އިމާމުންނާއި ޚަތީބުންނަށް ޝުކުރު ދަންނަވަމެވެ.
އިމާމުންގެ ފެންވަރު ރަނގަޅުކޮށް ރަނގަޅު ފުރުޞަތުތައް ފަހިކޮށް ދެއްވުމަކީ ރައީސް ޑރ މުޙައްމަދު މުޢިއްޒުގެ ސަރުކާރުން މުހިންމުކަންދޭ ކަމެކެވެ. 2024 ވަނަ އަހަރު ރާއްޖޭގެ އެންމެހައި އިމާމުން ތާޒަކޮށް ނިމިފައިވާއިރު 100 އަށް ވުރެ ގިނަ ތަމްރީނު ފުރުޞަތު ރާއްޖެއިން ބޭރުން އިމާމުންނަށް ހޯދައި ދެވިފައިވެއެވެ. މީގެ އިތުރުން މިސްކިތްތަކަށް 2 އިމާމުން ލުން ފެށުމާއި އިމާމުންގެ މަހާސިންތާ އެއް ބާއްވަން ފެށުމާއި އިމާމުންނަށް ޢަރަބި ބަސް ކިޔަވައިދިނުމުގެ ޕްރޮގްރާމްތައް ހިންގުނެވެ.
