ޙައްޖާއި ޢުމްރާ ޔުނިޓަކީ ދިވެހިރާއްޖެއިން މީހުން ޙައްޖަށް ގެންދިޔުމާއި، ޢުމްރާގެ އަޅުކަން އަދާ ކުރުމާ ބެހޭ ކަންކަން ހަމަޖައްސާ ޔުނިޓެވެ. ޙައްޖަށް މީހުން ގެންދިޔުމާބެހޭ އުސޫލާއި، ޢުމްރާގެ އަޅުކަން އަދާކުރުމުގައި ޢަމަލުކުރަންޖެހޭ އުސޫލާ އެއްގޮތަށް ޙައްޖަށް ނުވަތަ ޢުމްރާގެ އަޅުކަމަށް މީހުން ގެންދިޔުމުގައި ހުއްދަ ދެވޭ ފަރާތްތަކުން، ނުވަތަ ކުންފުނިތަކުން ޢަމަލުކުރާކަން ކަށަވަރުކޮށް އެކަންކަން ރެގިއުލޭޓުކޮށް ބަލަހައްޓާ ޔުނިޓެވެ. އަދި މީގެ އިތުރުން، ޙައްޖާއި ޢުމްރާގެ އަޅުކަން އަދާކުރުމުގައި ކޮންމެހެން ތަބާވާންޖެހޭ އުސޫލުތަކަށް ކުންފުނިތައް އަހުލުވެރިކޮށް، ސަޢޫދީ ޢަރަބިއްޔާގެ ޙައްޖާއި ޢުމްރާއާ ބެހޭ ވުޒާރާއިން އަންގާ އެންގުންތަކާއެއްގޮތަށް ޙައްޖުގެ އަޅުކަމުގެ ކަންކަން އިންތިޒާމު ކޮށް ދިވެހިރާއްޖެއިން ޙައްޖަށްދާ ޙައްޖުވެރިންގެ ކަންކަން ބެލެހެއްޓުމެވެ.