ދިވެހިރާއްޖޭގެ އިސްލާމިކް ޔުނިވަރސިޓީއިން، ނުވަތަ ދިވެހި ސަރުކާރު ޤަބޫލު ކުރާ އެހެން ކޮލެޖް/ ޔުނިވަރސިޓީއަކުން ކަށުކަމާކެމީގެ ( ޖަނާޒާގެ މޮޑިއުލްތައް ހިމެނޭހެން) ކޯހެއް ފުރިހަމަކޮށްފައިވާނަމަ، އިތުރު ކޯހެއް ނުވަތަ އިތުރު އިމްތިޙާނަކާ ނުލައި ކަށުކަމާކެމީގެ ސަނަދު ދޭ ގޮތައް އިސްލާމީ ކަންތައްތަކާ ބެހޭ ވުޒާރާއިން ނިންމައިފިއެވެ.
މިގޮތުން ކަށުކަމާކެމީގެ ސެޓްފިކެޓް ދިނުމަށް ހަމަޖެހިފައިވަނީ ތިރީގައި މިވާ ކޯސްތައް ފުރިހަމަކޮށްފައިވާނަމައެވެ.
1- ބެޗްލަރ އޮފް އިމާމުޝިޕް
2- ބެޗްލަރ އޮފް އިސްލާމިކް ސްޓަޑީޒް
3- ޑިޕްލޮމާ އޮފް އިމާމު ޝިޕް
4- އެޑްވާންސް ސެޓްފިކެޓް ފޯ އިމާމްޝިޕް
5- ސެޓްފިކެޓް 3 ފޯ އިމާމްޝިޕް
6- ސެޓްފިކެޓް 3 އިން ޖަނާޒާ
މިކަމާ ގުޅޭ ގޮތުން ވަޒީރު ވިދާޅުވީ، މިގޮތަށް ނިންމެވީ މި ކޯސްތަކަކީ ކަށުކަމާކެމީގެ މަޢުލުމާތާއި ޖަނާޒާއާ ބެހޭ ޢިލްމީ މާއްދާތަކުގެ ނަޒަރީ އަދި ޢަމަލީ ބައިތައް ކިޔަވައިދޭ ކޯސްތަކަކަށްވާތީއާއި ރާއްޖޭގެ ރަށްރަށުގައި ކަށުކަމާކެމީގެ ކަންކަން ކުރަމުންދާ މީހުންގެ ދަތިކަން އޮތުމާއެކު އެކަމަށް އަވަސް ޙައްލެއް ހޯދުމުގެ ގޮތުންނެވެ.
